Lead up to President's (MKR's) 40th celebrations.
ആദി പാപം ! ജൂലിയ ഗോരത്തി എന്ന അമ്പട്ടണ്ടോലും ഇടിയന് അന്തോന്നിച്ചനും തമ്മിലുള്ള ത്രസിപ്പിക്കുന്ന കയ്യാങ്കളി കാന്ബരക്കണ്ടം മൈതാനിയില്. പ്രവേശനം സൌജന്യം. ഹാജരാവാത്തവര് പിഴയടച്ചാല് "രാജ്യ ദ്രോഹി, അരാജക വാദി" എന്നീ ബഹുമതികള് സ്വന്തം ശരീരത്തിന്റെ ഏതെങ്കിലും ഭാഗത്ത് ചാപ്പയടിപ്പിക്കാവുന്നതാകുന്നു. പിഴയടക്കാന് 'ഡോളറ്സ്' കളയാനില്ല, ബഹുമതികള് വാങ്ങാന് ഈ ബാഡിക്ക് പാങ്ങുമില്ല. നവപൌരന്റെ അവകാശമാണ് 'വോട്ട്' - അങ്ങടാ കാച്ച്ചിക്കളയാം "കിര് കിര് കിര്" കിഴക്ക് വെള്ള നീട്ടി വലിച്ചു കീറി. ഉറക്കച്ചവട് മാറ്റാന് കട്ടനും മുറി ബീഡിയും. ലൈഫ് ബോയ് സോപ്പിട്ടൊരു നീരാട്ട്. കുട്ടിക്കൂറ പൌടരും അത്തറും കൊണ്ടൊരഭിഷേകം. ഉള്ള മുടി ആഞ്ഞു ചീകി ...... കുട്ടപ്പന് സുന്ദരന്!! ഇടതുകാല് ചെരിച്ചു വെച്ച് കട്ടന് കാപ്പിയുടെ ബലമെടുത്തു വലതു കാല് പൊക്കിയോരടി. കണ്ണടച്ച് തുറക്കും മുന്പ് പടിയടച്ചു തെരുവിലെത്തി. ഗൂഗിള് മാര്ക്ക് അന്വേഷണ യന്ത്രം അരുള് ചെയ്തു "കുഞ്ഞാടെ, നീയിന്നു വയസ്സറിയിക്കേണ്ടത് കര്ത്താവിന്റെ തിരുസഭയില് ആകുന്നു." എനിക്ക് കല്പിച്ച പോളിംഗ്...
Comments